Kupitia makongamano ya Uwekezaji ambapo fursa za uwekezaji zilitangazwa na Wawekezaji walionesha nia ya kuwekeza katika Halmashauri, hadi sasa hatua zilizofanyika ni kutenga eneo lenye ukubwa wa ekari 10 kwa ajili ya uwekezaji wa kiwanda cha kusindika mhogo kwa mwekezaji Community Money Transfer Limited (CMTL). Mwekezaji anaendelea kufuatilia upatikanaji wa fedha (Capital) kutoka UN na kufanya utafiti juu ya takwimu za uzalishaji wa machungwa ambapo Sampuli za machungwa zimechukuliwa na kufanyiwa uchunguzi wa kimaabara ili kubaini ubora wake ambapo imeonekana kuwa machungwa ya Muheza yanafaa, aidha mazungumzo juu ya uwekezaji huo yanaendelea kufanyika baina ya MUVI kwa kushirikiana na Halmashauri ya Wilaya ya Muheza na mwekezaji (Teampro - Muungano wa Makampuni ya Uholanzi).
