Elimu Sekondari

Utangulizi

Idara ya Elimu Sekondari ina Shule 31 zikiwemo Shule 25 za Serikali na Shule 6 za binafsi.

Idara ya elimu Sekondari inayo jumla ya watumishi sita wa makao makuu ya Halmashauri ambao ni Afisa Elimu Sekondari,Afisa Elimu vifaa  na Takwimu Sekondari, Afisa Elimu Taaluma Sekondari ,Mtunza kumbukumbu za ofisi, Dereva na Katibu Muhtasi  (PS). Idara ina jumla ya Walimu 617.

Majukumu ya Idara.

Idara inatekeleza majukumu yafuatayo;

1. Kusimamia Sera ya na miongozo inayotolewa na Serikali kuhusu Elimu ya Sekondari ndani ya Wilaya
2. Kusimamia ujenzi wa miundombinu ya shule ili yawepo mazingira rafiki ya kujifunzia kwa wanafunzi.
3. Kumshauri Mkurugenzi wa Halmashauri kuhusu shughuli zote zinazohusu Idara ya Elimu ya Sekondari
4. Kusimamia mitihani yote ya ndani na ile ya Taifa yaani Mitihani ya kidato cha II, IV na VI.
5. Kusimamia, kuratibu na kufuatilia shughuli za ujenzi wa miundombinu katika shule za Sekondari kama vile nyumba za walimu, madarasa, majengo ya utawala, maabara, mkataba na vyoo
6. Kusimamia na kuratibu shughuli zote za Ukusanyaji, uchambuzi na kutafsiri takwimu za Idara ya elimu Sekondari na kuzituma sehemu husika.
7. Kusimamia na kuratibu shughuli za uandaaji wa taarifa na kuzituma kwa wadau mbalimbali wa elimu ngazi ya Wilaya, Mkoa na Taifa
8. Kusimamia na kuhakikisha kuwa wanafunzi wanapata taaluma kwa kiwango kilicho bora kwa mujibu wa Sera ya Elimu ya mwaka 1995 na 2014.
9. Kusimamia na kuhakikisha nidhamu ya wanafunzi, walimu na watumishi wasio walimu inadumishwa shuleni
10. Kusimamia na kuhakikisha fedha za Idara ya Elimu Sekondari zinatumika kwa kufuata kanuni, sheria, taratibu na miongozo ya fedha za Serekali za Mitaa
11. Kuhakikisha vifaa vya kufundishia na kujifunzia vinapatikana katika shule za sekondari
12. Kuhakikisha kuwa shule zote za Sekondari zina samani za kutosha kwa ajili ya walimu na wanafunzi
13. Kuandaa ajenda na kuhudhuria vikao vyote  halali vinavyohusu Idara ya Elimu Sekondari
14. Kuandaa taarifa za utekelezaji za Idara ya Elimu sekondari za robo na mwaka na kuziwasilisha kwa wadau mbalimbali wa maendeleo kama vile Waheshimiwa Madiwani, Mkoa na Taifa
15. Kuandaa makisio ya bajeti ya Idara ya Elimu ya Sekondari kila mwaka.
16. Kupokea na kuwapangia vituo walimu na wafanyakazi wa idara wanaohamia au wanaoajiriwa katika Halmashauri ya Wilaya ya Muheza. 
17. Kutoa na kusimamia huduma  ya Elimu katika shule zote za Sekondari ndani ya Halmashauri ya Wilaya ya Muheza.
18. Kuratibu uendeshaji wa Mitihani yote ya ndani ya Halmashauri ya Wilaya ya Muheza
19. Kusimamia Sera ya na miongozo inayotolewa na Serikali kuhusu Elimu ya Sekondari ndani ya Wilaya
20. Kusimamia ujenzi wa miundombinu ya shule ili yawepo mazingira rafiki ya kujifunzia kwa wanafunzi

  2. Huduma zinazotolewa na Idara ya Elimu Sekondari

• Kuwashauri Wazazi/Walezi kuwa karibu na watoto wao ili waweze kutimiza malengo ya ndoto zao.
• Kuwashauri Wazazi/ Walezi kupata ufahamu kuwa Elimu ndio uridhi pekee na wa kudumu kwa mtoto hivyo mwanafunzi mwenye mwenendo wa utoro anachezea uridhi wake.