Ziara ya Mafunzo ya Wakulima Toka Zanzibar

Posted on: November 15th, 2017

Halmashauri ya Wilaya ya Muheza imepokea wageni toka Unguja na Zanzibar ambao ni wakulima 23 na Maafisa ugani 4 waliokuja kwa lengo la kujifunza na kubadilishana uzoefu na wakulima wenzao katika maeneo yetu.

Ziara hii imewezeshwa na mtaalamu elekezi (consultant) wa MIVARF-Zanzibar Mr Gideon Mchau na imejumuisha vikundi 3 vya wakulima wa Ndimu na mananasi ambavyo ni

1. Donge Mnyimbi toka shehia ya Manyimbi mpya mkoa wa Kaskazini "B"
2. Maendeleo kwa wote toka shehia ya Bondemaji Mkoa wa Kaskazini "A"
3. Juhudi zetu toka shehia ya Bwejuu Mkoa wa Kaskazini "A"

Katika maeneo yetu wamependa kujifunza juu ya uzalishaji na uendelezaji wa mazao katika uongezaji wa thamani katika maeneo yafuatayo

• Uzalishaji (Agronomy)
• Kuongeza thamani
• Mitaji
• Masoko
• Mafanikio na changamoto

Walipata fursa ya kutembelea vikundi viwili vya wakulima katika vijiji vya Kilongo, Kikundi cha KIFAA (Kilongo Farmers Association) na Kijiji cha Maduma, kikundi cha uzalishaji miche ya michungwa na milimao. Walipata maelezo ya kutosha kufikia malengo yao.