SERIKALI YATOA UTARATIBU MPYA WA MAFAO YA WASTAAFU

Posted on: November 22nd, 2018

Mratibu  wa chama cha wafanyakazi wa Serikali na Afya (TUGHE) Mkoa wa Tanga Bi Flora Urassa amesema watumishi wawaliomaliza muda wao wa kuitumikia serikali (wastaafu) hawatolipwa mafao ya mkupuo kama awali bali watalipwa  asilimia 25 na asilimia 75 inayobaki watalipwa kama mshahara wa kila mwezi  ili kuwasaidia wastaafu waendelee kuishi maisha mazuri kama  walivyokuwa kazini.

Akizungumza na wafanyakazi, wa Chama Cha Wafanyakazi wa Serikali na Afya ( TUGHE) Kilichofanyika  jana katika ukumbi wa Mikutano wa ofisi za Mji  Urassa alisema mabadiliko haya yameanza kufanyiwa kazi mnamo Tarehe 1/8/2018, hivyo basi watumishi waliostaafu baada ya tarehe hii watahesabiwa mafao yao kwa kutumia sheria hii.

“Serikali imeamua kuanzisha sheria Mpya ya Mafao na kuondoa baadhi  ya mafao kama vile Fao la Uzazi baada ya kuona wafanyakazi wakisha staafu wengi wao huzitumia Pesa vibaya walizopata na hatimaye kuendelea kutegemea Serikali hali inayoipelekea Serikali  kuwa na ongezeko  kubwa la wategemezi” alisema Flora.

Aliongeza kuwa sheria hii itawanufaisha wastaafu kwani watakuwa na uwezo wa kukopesheka hivyo basi kuendelea kuishi Maisha bora yenye furaha daima wakati hapo awali walipewaasilimia 100 ya mafao ambapo baada ya hapobwalikuwa wakilipwa nusu mshahara hali iliyopelekea  kuishi maisha yasiyoridhisha.

Wafanyakazi wa chama cha TUGHE wakisili kwa makini sheria mpya ya wastaafu katika ofisi za mji mdogo jana