Vigodoro Muheza sasa basi

Posted on: September 17th, 2018

Mkuu wa Wilaya Muheza Mhe,Mhandisi Mwanasha Rajabu T umbo atoa agizo la kusitisha muziki wa sherehe za usiku za majumbani ujulikanao kama( kigodoro) baada ya  tabia za uvunjifu wa maadili kwa wanafunzi wa shule za msingi na sekondari kukithiri shuleni, aliyasema hayo jana katika kikao cha wadau wa elimu wilayani humo.

  Akizungumza na wadau wa elimu ndugu Mwanasha alisema kuwa  vigodoro visiruhusiwe kwani ndio chanzo cha  ongezeko la utoro shuleni hivyo basi kupelekea wanafunzi kutofaulu vizuri darasani  na aliendelea kumsisitiza Afisa utamaduni  Wilaya asimamie sheria ya utoaji vibali  vya muziki

Kwa upande mwingine aliitaka jamii kusimamia ipasavyo ulinzi na usalama wa mtoto  hatimaye kutokomeza ukatili ukatili unaofanyika  dhidi ya watoto.

“jukumu la kumlea mtoto  ni jukumu la kila mmoja wetu katika jamii  hivyo basi kila mmoja kwa nafasi yake asimame imara kuhakikisha ulinzi na usalama wa mtoto unatelekelezwa ipasavyo  ikiwa ni pamoja  na pamoja na kuhakikisha ukatili dhidi ya mtoto unatokomezwa” alisema  mwanasha tumbo

Akitoa ufafanuzi wa utaratibu na kanuni  za vigodoro, Afisa utamaduni  Wilaya Muheza  ndugu Msafiri Nyaluva amesema  kigodoro ni muziki wa  sherehe za usiku zifanyikazo nyumbani  ambao huanza saa 10:00 jioni mpaka saa 6:00usiku,  watoto chini ya miaka 18 hawaruhusiwi kujihusisha  na sherehe hizo kwani mara nyingi ndani ya muziki hii kuna vitendo viovu vinavyofanika ambavyo hupelekea kuvunjika kwa maadili.

 Akiunga mkono kauli ya mkuu wa wilaya Nyaluva amesema  atahakikisha muziki unazimwa  mapema kama kanuni na taratibu zinavyota kwanivigodoro husababisha kuenea kwa maambukizi ya virusi vya ukimwi kwani kuna vitendomara nyingi  wamekuwa  wakijihusisha na mapenzi  , vigodoro vimekuwa chanzo cha kelele kwa jamii, taassisi za dini misikiti na kanisa na nyumba za kulala wageni.

Pia ameitaka jamii kufuata kanuni na taratibu za sheria za kibali zilizopo, wenye sherehe wahakikishe wanazima muziki  ndani ya muda uliopangwaharaka iwezekanavyo, watoto wasiende wasiruhusiwe kwenda kwenye vigodoro na alisisitiza kuwa yeyote atakaekwenda kinyume na taratibu atachukuliwa hatua za kisheria.