Naibu Waziri Ofisi ya Rais Tamisemi afanya ukaguzi wa Miradi ya maendeleo wilayani Muheza katika Sekta ya Elimu.

Posted on: February 12th, 2019

Naibu Waziri Ofisi ya Rais Tamisemi Mhe,Mwita Waitara amefanya ukaguzi katika miradi ya maendeleo ya Elimu, kwa upande wa shule ya msingi Pangamlima amekagua ujenzi wa darasa ilioingiziwa kiasi cha shilingi mil 7 ambazo zilitoka katika mradi wa EP4R( Motisha). Waziri amepongeza uwiano wa madawati na wanafunzi kuwa uko vizuri kwani darasa limejengwa  vizuri  kwakua linapitisha hewa ya kutosha.

Hata hivyo Naibu Waziri amewaasa Wanafunzi  Kusoma kwa Juhudi na  maarifa ili waweze kufikia malengo ya kuwawezesha kuzisaidia familia zao na Taifa kwa ujumla .Pia amewataka wazazi kuchangia kuwawezesha wanafunzi kupata mahitaji yatakayowawezesha wanafunzi hao kufanya vizuri darasani mfano, uwepo wa chakula shuleni na madaftari  pamoja na vifaa vingine vya ziada vya kujifunzia .

Akiongea na wanafunzi na wazazi na wananchi na watumishi katika Shule ya Sekondari Songa  Mh.Waitara alisema kuwa Serikali ya awamu ya tano inayoongozwa na DR John Pombe Magufuli ipo katika mchakato wa kumalizia maboma yote( miradi viporo) yaliyotumia nguvu za wananchi ili huduma iliyokusudiwa kupatikana kupitia ukamilishaji wa majengo hayo uweze kupatikana kwa haraka. Hii itawawezesha wananchi kupata huduma kwa wakati uliokusudiwa, hata hivyo wananchi wamepongeza serikali kwa kutoa kiasi cha tsh mil 100 ambacho kiliripotiwa kupokelewa mnamo tarehe 19/01/2019 ili kukamilisha ujenzi wa bwalo la chakula katika shule ya Sekondari Songa, Wananchi hao pamoja na wanafunzi  wamempongeza mhe, Rais kwa jitihada zake za dhati katika kuwahudumia wananchi