MUHEZA YAKABIDHI PIKIPIKI KWA MAAFISA UGANI

Posted on: January 28th, 2022

Halmashauri ya Wilaya Muheza imekabidhi pikipiki moja aina ya Boxer kwa afisa ugani wa kata ya Tongwe ili kuimarisha shughuli za ugani zilizopo katika maeneo yote ya kata ya hiyo.

Makabidhiano hayo yamefanyika baina ya afisa Mifugo na Uvuvi Wilaya ya Muheza Bw. Edward Mgaya na Afisa ugani wa kata ya Tongwe Ndugu Yohana Luoga jana katika ofisi za Halmashauri ya Wilaya Muheza (BOMANI) na kushuhudiwa na afisa mifugo Juma Magoma.

Akizungumza wakati wa makabidhiano, Afisa mifugo na Uvuvi wa  Wilaya hiyo amesema pikipiki hizo zimetolewa na Serikali kwa ajili ya shughuli za ugani hivyo basi zitunzwe na zikafanye kazi kama ilivyokusudiwa.

“Piki piki hizi zimetolewa kwa ajili ya kuongeza uzalishaji wa mazao yatokanayo na shughuli za mifugo hivyo ikatumike ipasavyo kuhakiksha uzalishaji huo unaongezeka zaidi kwa ajili ya kuongeza mapato ya Halmashauri na kipato cha wananchi” alisema Mgaya.

AFISA MIFUGO  (W) AKABIDHI PIKIPIKI	AFISA MIFUGO (W) AKABIDHI PIKIPIKI
Afisa Mifugo na uvuvi Wilaya ya Muheza Edward Mgaya (kushoto) akikabidhi pikipiki kwa afisa ugani wa kata ya Tongwe jana katika ofisi za Halmashauriya Wilaya ya Muheza.