MHE. KIPANGA AONGOZA HAFLA MAALUM YA WALIMU (MWALIMU CONFERENCE)

Posted on: September 29th, 2024

Katika kuelekea Uzinduzi wa Kampeni ya "Mtoto wa leo, Samia wa kesho" itakayofanyika kesho Jumatatu Septemba 30, 2024, Leo Jumapili Septemba 29, Naibu Waziri wa Elimu, Sayansi na Teknolojia Mhe. Omari Kipanga ameongoza hafla ya Siku Maalum ya Mwalimu( Mwalimu Conference) yenye lengo la kuboresha Miundombinu ya Shule ili kuinua viwango cha Elimu.

Hafla hii imefanyika katika Uwanja wa Mpira wa Jitegemee ambapo ulishirikisha taasisi mbalimbali za umma na binafsi.

Katika Hafla hiyo Mgeni rasmi ambaye ni Naibu Waziri wa Wizara ya Elimu alimwakilisha Waziri wa Wizara hiyo Mhe Adolph Mkaenda alipata fursa ya kukagua Mabanda mbalimbali ya Taasisi za Umma na Binafsi.

Pia kulikuwa na Michezo ya kuvuta Kamba, na Vipaji vya kuimba nyimbo.

Aidha Uzinduzi wa Kampeni ya Mtoto wa leo, Samia wa kesho itafanyika kesho Jumatatu Septemba 30 ambapo Mgeni rasmi ni Naibu Waziri Mkuu na Waziri wa Nishati Mhe Dotto Biteko.