MAKONDA ATAJA SABABU ZA UPUNGUFU WA UMEME

Posted on: January 22nd, 2024

 Uzembe wa Watendaji na uzalishaji mdogo wa Umeme katika Vituo vya kuzalishia Umeme ni miongoni mwa sababu zilizotajwa kusababisha kukatia katika kwa Umeme Nchini na   hii imetokana na baadhi ya Mikataba iliyoingiwa kipindi hicho cha nyuma kutokuwa na tija ya Muda mrefu.

Kauli hiyo imetolewa na Katibu NEC, Itikadi , Uenezi na Mafunzo CCM Taifa Mhe Paul Christian Makonda Wilayani Muheza alipokuwa katika Ziara yake ya kusikiliza na  kutatua Kero za Wananchi ikiwa ni utekelezaji wa ilani ya Chama cha Mapinduzi (CCM).

Amesema wananchi waendelee kumvumilia na kumshika Mkono Mhe. Rais Dkt. Samia Suluhu ambae anaendelea kuambana katika masuala mbalimbali ya Maendeleo liiwemo  hili la Nishati ya Umeme ambapo mpaka sasa hatua mbalimbali zimeshaanza kuchukuliwa ili kuboresha huduma hii ikiwemo kuwawajibisha watendaji wazembe na Uboreshaji wa  miundombinu ya Nishati hiyo.

“Ndugu zangu wananchi naomba mtusamehe na muendelee kumuamini Rais Dkt. Samia Suluhu Hassan kwani mpaka sasa anaendelea kupambana ambapo jitihada mbalimbai za kuboresha njia za kusafirisha umeme zinafanyika, njia za kupooza Umeme zinzfanyiwa kazi ili Umeme uweze kusambazwa kwa Wananchi” alisema Makonda.

Aliendelea kuwa  Serikali imeanzisha Mradi wa kuongeza Uzalishaji wa Umeme kufikia Megawati 2500 ambao ndio Mkombozi wa Taifa ambapo mpaka sasa kiasi cha Shilingi Trilioni Sita (6) zimekwishalipwa ambapo mradi huu unatarajiwa kuwa na Vinu 8 hivyo ukamilishaji wa mradi huu utaifanya Tanzania kuwa ya Kwanza kuwa na Miundombinu bora ya  Umeme na itapelekea gharama za” unit” za Umeme kupungua bei.

MAKONDA AWASILI MUHEZA
Katibu NEC, itikadi, uenezi na Mafunzo CCM Mhe. Paul Christian Makonda leo jumapili tarehe 21/1/2024 amefanya ziara ya Siku moja Wilayani Muheza kwa ajili ya kusikiliza na kutatua kero za wananchi.