MAKARANI WA SENSA YA WATU NA MAKAZI 1,020 WAPATIWA MAFUNZO.

Posted on: August 5th, 2022

Jumla ya Makarani 1,020 wapatiwa Mafunzo ya siku 19 ya Sensa ya watu na makazi inayotarajiwa kufanyika mnamo Agosti 23, 2022 baada ya kufaulu usaili uliofanyika katika kata zao.

Mafunzo hayo yalianza Wilayani Muheza katika tarafa zake zote 4 ambazo ni Amani, Muheza, Bwembwera na Ngomeni kuanzia tarehe 31/7/2022 na yakitarajiwa   kukamilika tarehe 18/8/2022.

Katika tarafa ya Amani, mafunzo yanafanyika Shule ya Msingi Amani yakiwa na   makarani 161     Ngomeni ikiwa na   Makaran 234 wakiwa katika chuo cha utafiti Malti Mlingano, Bwembwera Makarani 242 wakinolewa katika Shule ya Sekondari Songa na Ukumbi wa Mikutano TARECU wakifundwa makarani 383. wa tarafa ya Muheza.

Aidha miongoni mwa Makarani hao kuna Wasimamizi wa Maudhui 89 na Wasimamizi wa TEHAMA 37 ambao pia watapatiwa mafunzo katika kipindi hicho.

Akitembelea vituo hivyo vya Mafunzo, Mkuu wa Wilaya ya Muheza Mhe. Halima Abdallah Bulembo amewataka makarani wote  kuzingatia mafunzo ili waweze kufanya kazi kwa ufanisi na weledi mkubwa.