CORONA YA SABABISHA MIRADI YA MAJI KUSIMAMA MUHEZA

Posted on: April 4th, 2020

Waziri wa Maji Professa Makame Mbarawa  amewataka Wananchi kuwa wavumililvu katika kipindi hiki cha Ugonjwa wa Corona(COVID-19) kwani Mkandarasi ambaye ni mkazi wa Afrika kusini  kwasasa hawezi kusafiri  kutokana na kufungwa kwa usafiri  wa anga ikiwa ni katika kuchukua tahadhari ya  ugojwa wa Corona.

 Aliyasema hayo alipokuwa akifanya Ziara yake Wilayani Muheza tarehe 4/4/2020 wakati akitembelea Miradi ya  Maji Kilapula (PONGWE-MUHEZA) uliopo Kata ya Mlingano na  Mradi wa maji Umba  uliopo kata ya Ngomeni.

Aidha prof. Mbarawa amefafanua kuwa, endapo ugonjwa  huu utaendelea kuchukua muda mrefu Serikali itachukua hatua ya kutatua tatizo hili  ili Wananchi waweze kupata  Maji kwa wakati  kwa sababu Maji ni muhimu  kwa matumizi ya binadamu kiafya.

Lakin pia, alipokuwa katika Mradi wa Maji PONGWE-MUHEZA Prof. Mbarawa amemtaka Mkurugenzi wa Kampuni ya KORERG  Steven  Lucas  kuukamilisha kwa kufunga Pampu na kusambaza maji kwa haraka ili Wananchi waweze kuondokana na adha ya Maji  kwa kipindi hiki  cha mlipuko wa  Corona  (COVID-19).

Mbali na hilo, Prof. Mbarawa ameahidi kutoa  kiasi cha shilingi Milioni 150 kwa ajili ya kuanza upya ujenzi wa Mradi wa maji Kilongo, kuchimba Mitaro na ununuzi wa Mabomba.

 Kwa upande wake, Mwenyekiti wa Halmashauri  wa Wilaya ya Muheza  ambaye ni Diwani wa kata ya Ngomeni Bakari  Mhando ametoa ombi kwa Waziri wa maji kama tazizo kubwa nikufungwa kwa pampu suala hili lifanyiwe kazi  maana ndoo ya moja  ni shilingi elfu moja na ukizingatia kwa sasa kuna ugonjwa wa Corona hiyo ni changamoto.

“Natoa maelekezo Wizara ya Maji changamoto kubwa ni kwa upande wa Manunuzi Pesa inatolewa kwa muda husika wao wanachelewesha kuifanyia kazi na kama wataendelea kufanya hivyo  tutawachukulia hatua Watendaji hao”.amesema Mbarawa.

Mhandisi wa Maji Halmashauri  Wilaya ya Muheza Cleophace Maharangata akizungumza walipotembelea Mradi wa Maji Umba tarehe 04/04/2020.	Mkuu wa Wilaya ya Muheza Mhe. Mwanasha Rajab Tumbo akitoa shukrani kwa Waziri wa Maji kwa kutembelea Mradi wa Maji Umba.	Mwenyekiti wa Halmashauri ya Wilaya ya Muheza ambaye ni Diwani Kata ya Ngomeni Mhe. Mhando (wapili kutoka kulia) akizungumza walipotembela katika Mradi wa maji Umba.