Mbunge Adadi akabidhi sehemu ya asilimia kumi ya mapato ya ndani kwa Vikundi vya wanawake na vijana

Posted on: May 9th, 2018

Halmashauri ya Wilaya ya Muheza imetoa mikopo yenye thamani ya Tshs. 10,000,000/= kwa kipindi cha Robo ya Nne (Aprili – Mei 2018) kwa vikundi viwili vya uzalishaji mali ambavyo ni Umoja wa Mafundi Ujenzi Vijana Muheza na kikundi cha wanawakwe MAMRUWI hivyo ni kukwawezesha wanavikundi kuongeza mtaji wa shughuli zao, ili waweze kuboresha miradi yao ya kiuchumi hasa yenye malengo ya kuanzisha viwanda vidogo na kuboresha vipato vya wanavikundi hao kwa ujumla.

VIKUNDI VILIVYOPITISHWA 

Vikundi vilivyoidhinishwa kupata mikopo ni hivi vifuatavyo:-

(1)UMOJA WA MAFUNDI UJENZI VIJANA MUHEZA

• Kikundi hiki kina wanachama 23 na kinajishughulisha na Miradi ya ujenzi wa majengo mbalimbali. Ofisi Kuu ya Kikundi ipo kijiji cha Lusanga ‘A’, Kata ya Lusanga, Tarafa ya Ngomeni. Kwenye zoezi la ugawaji wa mikopo, Kikundi kimepata mkopo wenye thamani ya Tshs. 5,000,000/=.
• Kikundi kimeanza kutumia sehemu ya fedha zake za mkopo kwaajili ya ununuzi wa mashine ya kuchanganyia zege yenye thamani ya Tshs. 2,200,000 ambayo kwa kuanzia itatumika katika ujenzi wa Hospitali ya Wilaya, Lusanga ‘A’ na maeneo mengine yatakayohitaji huduma ya ujenzi. Fedha iliyobaki ni Tshs. 2,800,000/= zitatumika kwaajili ya kununua vitendea kazi vingine.
  (2)KIKUNDI CHA WANAWAKE MAMRUVI
• Kikundi hiki kina wanachama 7. Kikundi kipo kijiji cha Majengo, Kata ya Majengo, Tarafa ya Muheza. Kikundi   kinajishughulisha na Mradi wa utengenezaji Batiki na sabuni, kikundi kimepata mkopo wenye thamani ya Tshs. 5,000,000/=;
• Kikundi kimeanza kutumia fedha za mkopo kwa kununua majora ya vitambaa, madawa ya kutengeneza batiki, sabuni na jiko la mkaa la kuoka mikate na keki pamoja na malighafi nyingine za kuzalishia. Vitu vyote vina thamani ta Tshs, 2,000,000/=. Fedha iliyobaki Tshs. 3,000,000/=zitatumika kununua majora, madawa na malighafi nyinginebaada ya kipindi hiki cha mvua kuisha.
  Maombi ya Mikopo ya vikundi hivi, yalipitishwa na Kikao cha Kamati ya Mikopo Wilaya tarehe 13/04/2018.