Kupata Leseni ya Biashara

UTARATIBU WA KUPATA LESENI ZA BIASHARA

Leseni zinazotelewa na Halmashauri za Wilaya, Manispaa, Miji na Majiji ni za Kundi B. Leseni za Kundi A hutolewa na Wizara ya Viwanda na Biashara

Mfano wa Biashara zilizo kwenye Kundi B:

Wakala wa Bima (Insurance Agent)

Vipuri (Spare parts, Mashine tools)

Maduka ya dawa za Binadamu/Mifugo

Viwanda Vidogo (Small Scale Manufacturely and Selling)

Uuzaji Bidhaa Jumla na Rejareja (Wholesale and Retail trade) n.k

Baadhi ya Masharti/Nyaraka zinazohitajika kama kiambatanisho na masharti katika maombi ni ;

• Mfanyabiashara anapaswa awe na hati ya usajili iwapo anatumia jina la biashara (Certificate of Registration or Incorporate).
• Kama ni Kampuni mwombaji awe na memorandum and Article of Association ambazo zinaonyesha kuwa kampuni imeruhusiwa kufanya biashara anayoiomba.
• Mwombaji awe na umri wa miaka 18 au zaidi
• Awe na mahali/Eneo linalokubalika kwa aina ya biashara anayoiomba na isiwe vibanda vilivyopo kando kando ya barabara.
• Awe na TIN certificate (Hati ya kujiandikisha kama mlipa kodi na hati ya uthibitisho wa mlipa kodi. Tax clearance certificate).
• Awe na hati ya kuthibitisha uraia wake kama, Nakala ya Hati ya Kusafirisha ”passport” ya Tanzania,cheti cha kuzaliwa au Hati ya kiapo (Affidavit) au Kitambulisho cha Mpiga kura.
• Kama ni mgeni awe na hati ya kuishi nchini daraja la “A” (Resident Permit Class “A”.)

Masharti mengine ya kupata leseni hutegemea aina ya biashara mtu anayetaka kuanzisha e.g. Mgahawa, Dawa za Binadamu na Mifugo, Vyakula,Nyama na Samaki inabidi afuate taratibu zote za afya na kupima wafanyakazi wake

Hati ya Utaalam (Professional Certificates) kwa biashara zote za kitaalam mfano ushauri wa kitaalam ( consultancy, uhandisi)

Hati ya kiuwakilishi (powers of attoney ) Iwapo wenye hisa wote wa kampuni wapo nje ya nchi itolewe kwa Mtanzania anaeishi hapa.

Ushahidi wa Maandishi kuwa ana mahali pa kufanyia biashara ( kwa mfano hati ya za nyumba, mkataba wa upangishaji, risiti za malipo ya kodi za majengo aua ardhi.

kwa leseni zinazothibitishwa na Mamlaka mbalimbali kama vile TFDA, EWURA, TCRA,CRB, TALA, CAL  lazima kwa na leseni ya biahara husika kabla ya kuomba leseni ya biashara 

Maombi mapya yatapitia ngazi za Serikali ya Mtaa/kijiji, Afya na Kisha Ofisi ya Biashara kwa ajili ya utoaji wa leseni.

ANGALIZO: Leseni za biashara hulipwa ada na kuhuishwa (renew) kila mwaka kwa mujibu wa sheria ya leseni za biashara No 25ya mwaka 1972 na mabadiliko yake ya mwaka 2014 na 2015.

Pakua Fomu ya Maombi ya Leseni ya Biashara.pdf