UZINDUZI WA KAMPENI YA KUPAMBANA NA UGONJWA WA CORONA .
Thursday 21st, November 2024
@NJE YA UKUMBI WA HALMASHAURI
Zoezi la Uzinduzi wa Kampeni ya kukabiliana na Virusi vya Corona (COVID- 19) litafanyika siku ya jumatatu tarehe 27/4/2020 nje ya ukumbi wa mikutano wa halmashauri chini ya KAULI MBIU “TATIZO CORONA, TAHADHARI IANZE NA WEWE Kuanzia saa 4:00 asubuhi.
Mgeni rasmi katika Hafla hii atakuwa Mkuu wa Wilaya Muheza Mhe, Mhandisi Mwanasha Rajab Tumbo ambae atazungumza na Timu ya kukabiliana na ugonjwa wa Corona Wilayani namna ya kutoa Elimu ya Corona kwenye kaya, maeneo ya mikusanyiko kama vituo vya mabasi, vituo vya bodaboda na maeneo ya biashara.
Wahusika katika Kampeni hii ni Mkurugenzi Mtendaji wa Halmashauri ya Wilaya muheza, Mkuu wa Wilaya, kamati ya Ulinzi na Usalama wataalam wa Afya, Maafisa maendeleo ya jamii, Maafisa Ugani,Walimu, Maafisa Tarafa na Watendaji wa kata .
Baada ya Uzinduzi wa Kampeni hii wahusika watatakiwa kwenda kuanza kazi ya kutoa Elimu kwa wanachi waliopo katika kata 6 za Muheza Mjini ambazo ni Masuguru, Kwemkabala, Tanganyika, Genge, Mbaramo na Majengo.
Kampeni hii itafanyika nyumba kwa nyumba katika kata zote zilizopo Wilayani ambapo zoezi hili litachukua siku 19 kuanzia tarehe 27/4/2020 hadi tarehe 15/5/2020.
Mgeni Rasmi ambae ni Mkuu wa Wilaya Muheza Mwanasha Rajab Tumbo atakabidhi vitendea kazi Barakoa na vitakasa mikono kwa wahamasishaji.
