MPANGO WA KUSAJILI NA KUTOA VYETI VYA KUZALIWA WATOTO

MPANGO WA KUSAJILI NA KUTOA VYETI VYA KUZALIWA

Mpango wa kusajili na kutoa vyeti vya kuzaliwa bila malipo kwa watoto wenye umri chini ya miaka mitano utaanza rasmi mnamo tarehe 6/8/2020, huduma hii itatolewa katika ofisi za kata na vituo vya tiba vinavyotoa huduma ya afya ya mama na watoto.

Mpango huu unalenga kuwasogezea huduma wananchi waliokuwa wakisafiri umbali mrefu kufuata huduma hizi kwani hapo awali zoezi hili lilikuwa likifanyika katika ofisi ya Mkuu wa Wilaya wa eneo husika, kauli mbiu ni “Mtoto anastahili cheti cha kuzaliwa , Mpe haki yake”.

Zifuatazo ni faida za cheti cha kuzaliwa 

• Ni utambulisho wa awali kisheria utakaomwezesha mtoto kupata haki nyingine
• Humsaidia mtoto kuandikishwa Shule za Msingi na Sekondari
• Kuzuia ajira ya watoto na kuwalinda watoto wanakinzana na sheria
• Kuwawezesha wanafunzi kujiunga na vyuo na elimu ya juu.
• Kupata mikopo ya elimu ya juu.
• Ni lazim ili kupata ajira katika Taasisi za kiserikali na majeshi ya ulinzi na usalama
• Ni kiambatanisho cha Msingi ili kupata kitambulisho cha Taifa katika zoezi linaloendelea nchini.
• Husaidia kupata hati ya kusafiria (Passport)
• KUMBUKA 
• Mzazi afike kituo cha usajili na kiambatisho cha mtoto (nakala ya kadi ya kliniki au tangazo la kizazi).
• Cheti cha kinachotolewa ni halali kwa matumizi yayoyote.
• Cheti hakina ukomo wa matumizi na mtoto hatalazimika kupata kingine baada ya umri wa miaka mitano.
• Cheti kitunzwe mahali salama na kisikunjwe
• Vituo vinavyotumika ni vya kudumu .
• Wazazi wanashauriwa kuandaa jina ili mtoto asajiliwe na kupata cheti mara tu anapozaliwa.

Aidha uzinduzi wa zoezi hili utafanyika siku ya alhamisi tarehe 6/8/2020 kuanzia saa 2:00 asubuhi katika eneo la wazi la benki ya CRDB ikiwa Mgeni rasmi atakuwa Mkuu wa Wilaya Muheza Mhe, Mwanasha Tumbo.

WANANCHI WOTE MNAKARIBISHWA