Kikao cha kamati ya Afya ya msingi ya kimefanyika leo Tarehe 31/5/2019 katika Ukumbi wa Mikutano wa Halmashauri baada ya kuona ongezeko la vifo vya wakina mama wajawazito ili kuweka mikakati ya kupunguza vifo hivyo. Mgeni rasmi katika kikao hicho alikuwa ni Mkuu wa wilaya Muheza Mhe Mwanasha Rajab Tumbo.
Katika kupunguza vifo vya wakina mama wajawazito wilayani Muheza wana kamati wameweka mikakati ifuatayo.
Kutoa Elimu kwa wananchi kupitia viongozi wa kiki na kata
Kujenga vituo vya Afya kwenye kata mfano kata ya AMANI Na KIGOMBE
Kununua Ambulance
Wakina baba wawajibike kuwapeleka wakina mama Hospitali
Suala la vifo vya wakina mama wajawazito iwe Agenda ya Kudumu katika Vikao vya ngazi zote kuanzia kijiji.
Kuwepo na Sheria ndogo inayozungumzia vifo vya wakina mama wajawazito.
Pia yalizungumziwa masuala ya Lishe na mwisoni kulitolewa Tangazo la utoaji matone ya vitamin A na dawa za minyoo itakayotolewa katika vituo vyote vywa kutolea huduma kuanzia Tarehe 3/6/2019 hadi 30/6/2019 ambapo watoto kuanzia miezi 6 hadi watoto chini ya miaka 5 watahusika.
Kwa upande Mwingine Mkuu wa Wilaya Muheza Mhe Mwanasha Rajab Tumbo amekabidhiwa Hundi ya Milioni 5 na Mwakilishi wa Mkurugenzi wa Kampuni ya NIMR kwa ajili ya kusaidia katika ujenzi wa Hospitali ya Wilaya Muheza uliopo Katika kata ya Lusanga.
