HAFLA YA UTOAJI MIKOPO KWA WANAWAKE, VIJANA NA WENYE ULEMAVU
Saturday 23rd, November 2024
@UKUMBI WA MIKUTANO WA HALMASHAURI
Halmashauri ya Wilaya ya Muheza inatarajia kutoa Mkopo wa Shilingi Milioni 92 siku ya IJUMAA tarehe 11/2/2022, saa 2:00 asubuhi katika Ukumbi wa Mikutano wa Halmashauri ya Wilaya ya Muheza.
Mgeni rasmi katika hafla hiyo ni Mkuu wa Wilaya ya Muheza Mhe. Halima Abdallah Bulembo
Fedha hizo zitatolewa kwa vikundi 14 vya Wanawake, Vijana na watu wenye Ulemavu ambapo vikundi nane (8) vya Wanawake,Vijana vikundi vitano ( 5) na Kikundi kimoja(1) cha watu wenye Ulemavu vitapatiwa Mikopo hiyo.
Vikundi hivyo vina Jumla ya washiriki 100, wakiwemo wanawake 59, Vijana 38 na watu wenye Ulemavu watatu (3).
Aidha, katika kipindi cha Mwaka wa fedha 2021/2022 Halmashauri ya Wilaya ya Muheza imetenga kiasi cha Shilingi Milioni 213 kwa vikundi 42 vya Wanawake, Vijana na Wenye ulemavu ikiwa ni asilimia kumi ya Mapato yake ya ndani.
