Mkuruganzi Mtendaji wa Halmashauri ya Wilaya ya Muheza anawatangazia wananchi wote kuwa siku ya Alhamisi tarehe 3/3/2022 kutakuwa na zoezi la utoaji hati za maeneo kuanzi saa 4:00 asubuhi katika uwanja wa Kilapula.
Hati hizo zitatolewa kwa wananchi wenye viwanja katika maeneo ya Kilapula, Machemba, Mkanyageni, Ngomeni, Azimio, Kwemkabala, Masimbani, Masuguru, Mbaramo, Teule, na Michungwani ambao wamekamilisha gharama zote za kulipia Hati.
Mgeni rasmi katika Hafla hiyo ni Mkuu wa Wilaya ya Muheza Mhe, Halima Abdallah Bulembo ambaye ataongoza na kuwapatia hati wahusika wa zoezi hilo.
Sanjari na utoaji wa hati kutakuwa na zoezi la utoaji elimu juu ya namna ya kumiliki ardhi iliyopo katika shamba la mkonge la Kilapula.
