TANGAZO LA MBIO ZA MWENGE WA UHURU MAALUM – MUHEZA
28 May 2021
Mei 28, 2021 - Muheza
Mkuu wa Wilaya wa Muheza anawatangazia wananchi wote wa Wilaya ya Muheza kuwa Mbio za Mwenge wa Uhuru Maalum kwa 2021 utakimbizwa siku ya Jumapili, tarehe 30 Mei, 2021.
Mwenge wa Uhuru Maalum utapokelewa kutoka katika wilaya ya Pangani katika Kijiji cha Mkuzi kata yaMkuzi na kupitia miradi ifuatayo:
Kukagua Mradi Wa Umeme Wa REA - Kigongomawe uliopo katika Kitongoji cha kwa Antony Katika Kijiji cha Kigongomawe Kata ya Ngomeni
Kuweka Jiwe la Msingi Mradi wa Maji - Umba Katika Kijiji cha Umba
Kukagua Shughuli za Uzalishaji Mali wa Kikundi cha Vijana cha Jadili Kwanza Wanaochakata Zao la Mkonge katika Kijiji cha Umba
Kuweka Jiwe la Msingi Ujenzi wa Zahanati-Kijiji cha Kwakopwe
Kukagua Uendelevu wa Ujenzi wa Barabara ya Masuguru - Tingeni Kata ya Masuguru
Kukagua wa Uendelevu wa Ujenzi wa Mabweni ya Wanafunzi Wenye Mahitaji Maalum katika Kitongoji cha Mbaramo Kata ya Mbaramo
Kukagua Shughuli za Kudhibiti Malaria katika Kituo cha Utafiti wa Magonjwa ya Binadamu NIMR na kupokea Taarifa ya Shughuli zinazoekelezwa na Halmashauri Katika Uboreshaji wa Lishe na Mambo Mengine katika Sekta ya Afya katika Kitongoji cha Mbaramo - Kata ya Mbaramo
Kuweka Jiwe la Msingi Jengo la Ofisi ya Udhibiti Ubora wa Elimu katika Mtaa wa Genge – Bomani
Kukagua Shughuli za Tehama ndani ya Wilaya ya Muheza Mtaa wa Majengo Shimoni
Kukagua Shughuli za Udhibiti wa Matumizi ya Madawa ya Kulevya Kitongoji cha Genge Kata ya Genge
Kukagua Ujenzi wa Barabara ya Kilimanjaro Kwasemkiwa inayojengwa kwa Kiwango cha Lami katika Kitongoji cha Masuguru.
Mkesha wa Mbio za Mwenge wa Uhuru Maalum Utafanyika katika Uwanja wa Jitegemee Wilayani Muheza.
Kauli Mbiu ya Mbio za Mwenge wa Uhuru Maalum kwa 2021 ni “Tehama ni Msingi wa Taifa Endelevu. Itumie kwa Usahihi na Uwajibikaji”.
Wote Mnakaribishwa.
Imetolewa na Kitengo cha Teknolojia ya Habari na Mawasiliano,
