Wanawake Muheza washiriki usafi wa wodi Hospitali Teule

Posted on: March 7th, 2018

"Kuelekea uchumi wa Viwanda : Tuimarishe usawa wa jinsia na uwezeshaji Wanawake Vijijini"

Uzinduzi wa siku ya Wanawake Duniani Wilayani Muheza umefanyika katika Hospitali Teule ya Mt. Agustino Muheza  Machi 07, 2018 Ambapo wanawake waliojitokeza katika uzinduzi huo walishiriki katika Kufanya Usafi wa Wodi nne za wagonjwa (Azimio na Tegemeo (Mama) , Hills na Jenner (watoto)) pamoja na kuwafariji na kutoa zawadi kwa wagonjwa wa wodi hizo.

Awali akisoma taarifa ya uzinduzi wa Maadhimisho hayo, Bi. Vije Mfaume Afisa Maendeleo ya Jamii Wilaya amesema maadhimisho haya hufanyika wilayani Muheza kila mwaka na wanawake wengi huhamasishwa kushiriki kwani huwajengea uwezo wa kupata elimu ya afya ya jinsia pamoja na hamasa ya kushiriki katika shughuli za kiuchumi, ujasiliamali na kutambua haki zao za kisheria.

Aidha Mfaume amewashukuru Waheshimiwa Madiwani wa Viti Maalum, Wadau mbalimbali na vikundi vya kina mama waliofanikisha uzinduzi wa Maadhimisho hayo wilayani Muheza.

Matukio kwa Picha